"Jirona" direktori Kike Karsel hozirda "Barselona"da o‘ynayotgan yarim himoyachi Oriol Romeuni jamoaga qaytarmoqchi.
“Men “Barselona”dan Oriol Romeuni qaytarmoqchiman, u biz uchun sehr yaratdi. Men buni 100 foiz istardim. "Barselona" bilan kelishuvga erishish imkonsiz deb o‘ylamayman. Bu qiyin, lekin bu mumkin", - dedi Karsel.
Oriol Romeu 2021 yildan 2023 yilgacha "Jirona"da o‘ynagan. Joriy mavsumda 32 yoshli yarim himoyachi “Barselona” safida 15 ta o‘yin o‘tkazib, bitta golli uzatmani amalga oshirdi.