"Chelsi" bosh murabbiyi Maurisio Pochettino Koul Palmer va boshqa futbolchilarni solishtirish haqidagi savolga javob berdi.
Joriy mavsum boshida "Manchester Siti"dan sotib olingan 21 yoshli ingliz futbolchisi tezda "ko‘klar" murabbiyining ishonchini qozondi. Yarim himoyachi hozirda Nikolas Jekson bilan "Chelsi"ning Premyer-ligadagi eng sermahsul futbolchisi unvoniga ega: birinchisida uchta gol va ikkita golli uzatma bor, ikkinchisi esa besh marta gol urgan, ammo hali golli uzatma bermagan.
"Palmer va Xuan Mata o‘rtasidagi taqqoslashlar? Yo‘q, menimcha, u ko‘proq Anxel di Mariyani eslatadi – ular jismoniy va harakat uslubida o‘xshash”, — deya Pochettinodan iqtibos keltiradi Standard.