“Manchester Yunayted” markaziy himoyachisi Jonni Evans yaqin orada jamoaga yordam bera olmaydi.
"Qizil iblislar" mavsum boshidan beri himoyadagi o‘yinchilarning doimiy jarohatlari bilan qiynalmoqda va endi Jonni Evans bilan yangi muammo yuzaga keldi. Klub hisobotida aytilishicha, 35 yoshli tajribali futbolchi 3-4 haftaga safdan chiqqan. Eslatib o‘tamiz, Shimoliy irlandiyalik markaziy himoyachi Chempionlar ligasi doirasidagi "Kopengagen"ga qarshi o‘yinning 15-daqiqasida son qismidagi jarohat tufayli almashtirilgandi.
Shanba kuni "Manchester Yunayted" APL doirasida "Luton"ni qabul qiladi. Uchrashuv Toshkent vaqti bilan soat 20:00da boshlanadi.
