“Манчестер Юнайтед” марказий ҳимоячиси Жонни Эванс яқин орада жамоага ёрдам бера олмайди.
"Қизил иблислар" мавсум бошидан бери ҳимоядаги ўйинчиларнинг доимий жароҳатлари билан қийналмоқда ва энди Жонни Эванс билан янги муаммо юзага келди. Клуб ҳисоботида айтилишича, 35 ёшли тажрибали футболчи 3-4 ҳафтага сафдан чиққан. Эслатиб ўтамиз, Шимолий ирландиялик марказий ҳимоячи Чемпионлар лигаси доирасидаги "Копенгаген"га қарши ўйиннинг 15-дақиқасида сон қисмидаги жароҳат туфайли алмаштирилганди.
Шанба куни "Манчестер Юнайтед" АПЛ доирасида "Лутон"ни қабул қилади. Учрашув Тошкент вақти билан соат 20:00да бошланади.
