"Tottenxem" bosh murabbiyi Ange Postekoglu o‘zining futbol qadriyatlari haqida gapirdi.
Avstraliyalik qo‘l ostida "shporlar" Premyer-liganing dastlabki o‘nta uchrashuvidan sakkiztasida g‘alaba qozongan. Faqat 11-turda jamoa ilk mag‘lubiyatini qabul qilib, "Chelsi"ga imkoniyatni boy berdi (1:4). Biroq, Postekoglu nafaqat ajoyib natijalari uchun, balki o‘ziga xos va qiziqarli o‘yin uslubi uchun ham ko‘plab maqtovlarga sazovor bo‘ldi.
“Men haq ekanligimni isbotlash uchun chiroyli narsalarni yaratishga harakat qilmayapman - menimcha, shunday qilib biz muvaffaqiyatga erishamiz. Men hech qachon eng zo‘r bo‘lgan jamoalarni boshqarmaganman - muvaffaqiyatga erishmoqchi bo‘lganlarni boshqarganman. Konservativ bo‘lib, hamma qilayotgan ishni qilish bilan hech narsaga erisha olmayman”, dedi murabbiy shanba kungi “Vulverxempton”ga qarshi o‘yin oldidan.
