«Yuventus» va Nikolo Fadjoli yangi shartnoma shartlari bo‘yicha to‘liq kelishib oldi.
22 yoshli futbolchi noqonuniy pul tikish uchun 7 oyga diskvalifikasiya qilindi, ammo oktyabr oyida ma’lum bo‘lganidek, «Yuventus» yarim himoyachi bilan shartnomani uzaytirmoqchi. Insayder Fabrisio Romanoning so‘zlariga ko‘ra, Fadjoli allaqachon «keksa sinyora»ning taklifiga rozi bo‘lgan. Shartnoma 2028 yilgacha amal qiladi. Bundan tashqari, kutilganidek, italiyalikning maoshi oshirilgan.
Nikolo Fadjoli joriy mavsumda oltita o‘yinda maydonga tushib, bitta golli uzatmani amalga oshirdi. Uning diskvalifikasiyasi may oyida tugaydi.
