«Ювентус» ва Николо Фаджоли янги шартнома шартлари бўйича тўлиқ келишиб олди.
22 ёшли футболчи ноқонуний пул тикиш учун 7 ойга дисквалификация қилинди, аммо октябрь ойида маълум бўлганидек, «Ювентус» ярим ҳимоячи билан шартномани узайтирмоқчи. Инсайдер Фабрицио Романонинг сўзларига кўра, Фаджоли аллақачон «кекса синёра»нинг таклифига рози бўлган. Шартнома 2028 йилгача амал қилади. Бундан ташқари, кутилганидек, италияликнинг маоши оширилган.
Николо Фаджоли жорий мавсумда олтита ўйинда майдонга тушиб, битта голли узатмани амалга оширди. Унинг дисквалификацияси май ойида тугайди.