«PSJ» bosh murabbiyi Luis Enrike «Reyms»ga qarshi o‘yin oldidan o‘z fikrlari bilan o‘rtoqlashdi.
Parij grandi uchun safar uchrashuvi shanba kuni 21:00da bo‘lib o‘tadi.
«Menimcha, «Reyms» 2023 yilda Liga 1ning eng yaxshi jamoalaridan biri. Bu to‘pni boshqarishni biladigan, katta bosim o‘tkazadigan va bo‘sh joydan foydalana oladigan tajovuzkor raqib.
Bizni qiyin o‘yin kutib turibdi», - dedi ispaniyalik mutaxassis bahs oldidan.
11 turdan keyin «PSJ» 24 ochko bilan turnir jadvalida ikkinchi o‘rinda bormoqda. To‘rt ochko ortda qolgan «Reyms» to‘rtinchi pog‘onada.
