"Real Madrid" prezidenti Florentino Peres zamonaviy Yevropa futboli uni yanada yaxshiroq va qiziqarli qilish uchun Superliga loyihasiga muhtojligini yana bir bor ta’kidladi.
"Superliga loyihasi bugun har qachongidan ham zarur. Maqsad aniq: eng ajoyib shou ko‘rsatish va moliyaviy feyr-pleyga erishish. Har yili ko‘plab klublar yuzlab millionlarni yo‘qotmoqda.
Bizga Yevropa Ittifoqi tamoyillariga amal qiladigan zamonaviy kooperativ boshqaruv tuzilmalari kerak. Superliga loyihasi doimiy ravishda dezinformasion kampaniyalarga duchor bo‘ladi. Ushbu musobaqa milliy turnirlar va ularning taqvimlariga to‘liq mos keladi. Uning yagona maqsadi - yevrokuboklarni kuchaytirish va yaxshilash", - dedi Peres AS bilan suhbatda.
