Fransiya chempionatining 12-turida “Lion” safarda “Renn” mehmoni bo‘lib, uchrashuvning ikkinchi bo‘limi o‘rtalarida Jeyk O'Brayenning goli evaziga g‘alaba qozondi. Bu "Lion" muxlislari uchun haqiqiy bayram edi, chunki ularning sevimli jamoasi deyarli olti oy davomida g‘alaba qozona olmayotgandi!
Oxirgi marta “Lion” 27 may kuni g‘alaba qozongan, o‘shanda jamoa “Reyms” darvozasiga javobsiz uchta gol urgan edi. Shu tariqa “Lion”ning Fransiya chempionatidagi eng uzoq davom etgan g‘alabasiz seriyasiga chek qo‘ydi.
Keyingi turda “Lion” o‘z maydonida “Lill” jamoani qabul qiladi. Bu 26 noyabrda bo‘lib o‘tadi. Klub hozirda Liga 1 turnir jadvalida oxirgi, o‘n sakkizinchi o‘rinni egallab turibdi.
