"Jirona" Ispaniya chempionatining joriy mavsumidagi 13 o‘yindan so‘ng turnir jadvalida peshqadamlik qilmoqda va bu hatto klub rahbariyatini ham hayratda qoldirmoqda. Bu haqda sport direktori Kike Karsel fikr bildirdi.
"Mavsumning boshlanishi barcha kutganlarimizdan ham oshib ketdi. Albatta, biz shunday murabbiy va tarkibni kuchaytirish bilan hammasi yaxshi bo‘lishini kutgandik, ammo bunchalik bo‘lishini tasavvur ham qila olmadik".
Ammo "Jirona"ning maqsadi o‘zgarmadi: La Ligada qolish. Biz esa bunga yaqinmiz va bundan keyin maqsadimiz yevrokuboklarga yo‘llanma olish bo‘ladi. Bu biz uchun aql bovar qilmaydigan natija bo‘lardi", - dedi Karsel.
