"Жирона" Испания чемпионатининг жорий мавсумидаги 13 ўйиндан сўнг турнир жадвалида пешқадамлик қилмоқда ва бу ҳатто клуб раҳбариятини ҳам ҳайратда қолдирмоқда. Бу ҳақда спорт директори Кике Карсель фикр билдирди.
"Мавсумнинг бошланиши барча кутганларимиздан ҳам ошиб кетди. Албатта, биз шундай мураббий ва таркибни кучайтириш билан ҳаммаси яхши бўлишини кутгандик, аммо бунчалик бўлишини тасаввур ҳам қила олмадик".
Аммо "Жирона"нинг мақсади ўзгармади: Ла Лигада қолиш. Биз эса бунга яқинмиз ва бундан кейин мақсадимиз еврокубокларга йўлланма олиш бўлади. Бу биз учун ақл бовар қилмайдиган натижа бўларди", - деди Карсель.
