O‘zbekistonda futbolning ichidagi odam bo‘lmasangiz yoki futbol ichida avtoritetga ega hamkoringiz bo‘lmasa futbol agenti bo‘lish juda qiyin. Qo‘shimchasiga ba’zan orqangida kuchliroq "tanka" bo‘lishi kerak bo‘ladi.

Eng qiyini O‘zbekistonda futbolchilar agentlar bilan ishlashni xohlashmaydi. Sababi: "O‘zbekistonni ichida menga agent nimaga kerak? O‘zbek klublari o‘zim ham gaplashib olaman" deb o‘ylashadi. Chetga chiqishda esa "qaysi agent taklif olib kelsa o‘sha bilan ishlab ketvuraman" deyishadi. Shunaqa o‘ylashning futbolchi uchuno‘ziga ko‘p zarar taraflari bor. Bu haqda keyin yozaman.

Xullas, eng qiyini futbolchilar bilan kontakt bo‘lsa, keyingisi klublar bilan.

Aksar klublarda agentlar uchun eshik yopiq. To‘g‘riyam-da qaysi futbol klubi klubni emas, futbolchini himoya qiladigan shaxs bilan ishlashni xohlaydi.

Keyingisi aksar joyda sun’iy to‘siqlar. Sun’iy to‘siqlar odatda nimaga paydo qilinadi? Albatta moddiy manfaatga ega bo‘lish uchun. Hamma joyda "dolya" berib borish kerak bo‘ladi.

Eng asosiylardan O‘zbekistonda agentlar huquqlari himoya qilinmagani bo‘ladi. Agentlik reglamentining o‘zi yo‘q edi (hozir eshitishimga qaraganda bu ish yo‘lga qo‘yilyapti).

Reglament bo‘lganda taqdirda ham adashib biror zo‘r futbolchi bilan shartnoma tuzgan bo‘lsangiz, albatta, sizdan u futbolchini olib qo‘ymoqchi bo‘lgan norasmiy agent chiqadi. Futbolchi bilan shartnoma bo‘lishiga qaramasdan o‘sha futbolchiga yoki ota-onasiga rad qilib bo‘lmaydigan pul berib, o‘ziga og‘dirib oladi yoki ochiqchasiga olib qo‘yadi. Bu vaziyatda orqasida haligi norasmiy agentdan kuchi kam bo‘lgan "tankasi" borlargina u bu narsa qila olishi mumkin.

Xullas¸ ko‘chadan kelib agent bo‘lishni deyarli iloji yo‘q desa ham bo‘ladi.

Ravshan Salimov.