«Bavariya» bosh direktori Yan-Kristian Drezen jamoasi bu mavsumda Chempionlar ligasi finalida o‘ynashni orzu qilishini aytdi.

Nemis mutaxassisi shuningdek, hujumchi Xarri Keynning bu maqsadga erishishdagi roliga ham baho berdi.

«Har yili o‘z oldimizga Chempionlar ligasi finaliga chiqishni maqsad qilib qo‘yganmiz. Xarri Keyn bizga bunga erishishda yordam berishi mumkin.

«Uembli»da finalda o‘ynash uning katta orzusi bo‘lsa kerak. Bu hayratlanarli bo‘lardi», - deya Drezenning so‘zlarini keltiradi jurnalist Xulian Byul.

Keyn «Bavariya»ning joriy mavsumdagi eng yaxshi to‘purari bo‘ldi.

Bundesliganing 11 uchrashuvida ingliz futbolchisi 17 ta gol urdi va 5 ta golli uzatmani amalga oshirdi. Xarri Chempionlar ligasining 4 ta uchrashuvida 4 ta gol urdi.