«Бавария» бош директори Ян-Кристиан Дрезен жамоаси бу мавсумда Чемпионлар лигаси финалида ўйнашни орзу қилишини айтди.
Немис мутахассиси шунингдек, ҳужумчи Харри Кейннинг бу мақсадга эришишдаги ролига ҳам баҳо берди.
«Ҳар йили ўз олдимизга Чемпионлар лигаси финалига чиқишни мақсад қилиб қўйганмиз. Харри Кейн бизга бунга эришишда ёрдам бериши мумкин.
«Уэмбли»да финалда ўйнаш унинг катта орзуси бўлса керак. Бу ҳайратланарли бўларди», - дея Дрезеннинг сўзларини келтиради журналист Хулиан Бюль.
Кейн «Бавария»нинг жорий мавсумдаги энг яхши тўпурари бўлди.
Бундеслиганинг 11 учрашувида инглиз футболчиси 17 та гол урди ва 5 та голли узатмани амалга оширди. Харри Чемпионлар лигасининг 4 та учрашувида 4 та гол урди.
