«Arsenal» darvozaboni Aaron Remsdeyl jamoa o‘yinlarida bor e’tiborini futbolga qarata olmasligini tan oldi.
«Agar siz mendan 90 daqiqa futbolga e’tibor qaratishimni so‘rasangiz, men bunga tayyorman. Biroq buni qilish qiyin.
Shu bois muxlislar bilan muloqotda bo‘lib, o‘yinlarda qo‘shiqlarga chalg‘ib qolaman. Ba’zida men haqoratlarni eshitaman, keyin esa orqaga o‘girilib, javob ham beraman», dedi Remsdeyl.
Aytish joizki, Remsdeyl yaqinda «Arsenal»ning asosiy darvozaboni maqomini yo‘qotdi - endi David Rayya birinchi raqamli tanlov bo‘lgan.
