«Арсенал» дарвозабони Аарон Ремсдейл жамоа ўйинларида бор эътиборини футболга қарата олмаслигини тан олди.
«Агар сиз мендан 90 дақиқа футболга эътибор қаратишимни сўрасангиз, мен бунга тайёрман. Бироқ буни қилиш қийин.
Шу боис мухлислар билан мулоқотда бўлиб, ўйинларда қўшиқларга чалғиб қоламан. Баъзида мен ҳақоратларни эшитаман, кейин эса орқага ўгирилиб, жавоб ҳам бераман», деди Ремсдейл.
Айтиш жоизки, Ремсдейл яқинда «Арсенал»нинг асосий дарвозабони мақомини йўқотди - энди Давид Райя биринчи рақамли танлов бўлган.
