Lionel Messi va Krishtianu Ronalduning raqobati davrni belgilab berdi, ammo 2023 yilda ular turli bosqichlarda bo‘lsa-da, o‘z faoliyatlarini qisqartirishni boshlaydilar - ammo hozircha ularni qanday taqqoslash mumkin?
Ronaldu va Messining qay biri zo‘r, qay biri kuchli va yaxshiroq ekani borasidagi tortishuvlar, argentinalikning jahon chempioni bo‘lishi bilan yakuniga yetgan bo‘lishi mumkindir. Ammo yana bir bahslashadigan soha bor. U ham bo‘lsa, bu ikki dahoning qay biri ko‘proq sovrin yutgani. Messi va Ronaldu umumiy 1500 mingdan ortiq golga mualliflik qilgan. Ular, shuningdek, jami 9 bor YECHLni, 17ta ichki chempionatni, 2 bor qit’a chempionligi va boshqa ko‘plab shaxsiy sovrinlarni qo‘lga kiritishgan. Jahon chempionatidagi qahramonliklaridan keyin, Messi 8-bor «Oltin to‘p»ga ega chiqdi. U «PSJ» bilan 2 yilda 2 bor Fransiya chempionligiga erishgandi. Hozir Messi Amerikada, Ronaldu esa Saudiya Arabistonida harakat qilmoqda. Bu ikki afsona doimo bir-biriga qarshi salbiy fikr aytishdan saqlangan. Bu bekorga emas. Negaki, futbolda eng muhimi bu hurmatdir (bekorga UYEFAning bosh g‘oyasi va shiori - RESPECT, ya’ni hurmat emas).
Ronaldu Messi haqida shunday deydi: «Biz hamkasblarmiz. Biz o‘z ishimizni qilamiz. Boshqa ko‘plab futbolchilar kabi futboldan tashqari shaxsiy munosabatlarga ega emasmiz. Messi menga o‘xshab o‘z klubi va terma jamoasida yaxshi natijaga intiladi. Uzoq vaqtlik raqobatimizga ijobiy yondoshuv kerak. Negaki, aynan raqobat bizni hozirgi darajamizga olib chiqdi».
Messi esa Ronalduni «Yuventus»ga ketganini eshitib shunday degandi: «Uning ketgani yaxshi emas. Garchand men uchun Ronalduni sovrinlar yutishini ko‘rish og‘ir bo‘lsada, aynan u La Liga darajasini belgilab berdi».
Xo‘sh, shunday afsonalar bir-birini hurmat qilar ekan. Ko‘p jabhada kuchlar teng ekan, sovrinlar borasida nima deyish mumkin? Quyida bu statistika bilan tanishish imkoniga ega bo‘lasiz.
KRISHTIANU RONALDU
Ichki chempionada:
APL - 3 marta («MYU» bilan)
La Liga - 2 marta («Real» bilan)
«A» seriya - 2 marta («Yuventus» bilan)
Angliya liga kubogi - 2 marta
Angliya kubogi - 1 marta (2004)
Ispaniya kubogi - 2 marta
Italiya kubogi - 1 marta (2021)
Portugaliya superkubogi - 1 marta (2002)
Angliya superkubogi - 1 marta (2007)
Ispaniya superkubogi - 2 marta
Italiya superkubogi - 2 marta
Xalqaro maqomdagi:
YECHL - 5 marta
UYEFA Superkubogi - 2 marta
Arab mamlakatlari chempionlar kubogi- 1 marta (2023)
Boshqa:
Klublar o‘rtasidagi jahon chempionati - 4 marta
Terma jamoalar miqyosida:
Yevropa chempionati - 1 marta (2016)
Yevropa Millatlar ligasi - 1 marta (2019)
Jami: 33ta sovrin
Individual:
«Oltin to‘p» - 5 marta
FIFA yil o‘yinchisi - 3 marta
Yevropaning eng yaxshi futbolchisi - 3 marta
Jami: 11ta sovrin
LIONEL MESSI
Ichki chempionatda:
La Liga - 10 marta («Barselona» bilan)
Liga 1 - 2 marta («PSJ» bilan)
Ispaniya kubogi - 7 marta
Ispaniya superkubogi - 8 marta
Chempionlar kubogi - 1 marta («PSJ» bilan)
Xalqaro maqomdagi:
YECHL - 4 marta («Barselona» bilan)
Ligalar kubogi - 1 marta («Inter Mayami» bilan)
UYEFA Superkubogi - 3 marta
Boshqa:
Klublar o‘rtasidagi jahon chempionati - 3 marta
Terma jamoalar miqyosida:
Jahon chempionati - 1 marta (2022)
Kopa Amerika - 1 marta (2021)
Olimpiada - 1 marta (2008)
Jami: 42ta sovrin
Individual:
«Oltin to‘p» - 8 marta
FIFA yil o‘yinchisi - 3 marta
Jahon chempionati «Oltin to‘p»i - 2 marta
Yevropaning eng yaxshi futbolchisi - 2 marta
Jami: 15ta sovrin
A.ABDUVALIXO‘JAYEV tayyorladi
