O‘zbekiston terma jamoasining JCH-2026 saralash guruhidagi asosiy raqibi - Eron terma jamoasi Turkmanistondagi yaroqsiz sun’iy maydonda o‘ynamaydi.

Ma’lum bo‘lishicha, guruhdoshlarimizdan na Eron va na Gonkong terma jamoalari "Ashxobod" stadionining eskirgan sun’iy maydonida to‘p tepishadi. Bunga sabab, shu yilning dekabr oyida stadion chimi yangilanadi. Shu sababdan, Eron va Gonkong terma jamoalari kelasi yili yangilangan chimda yoki "Kopetdog‘" stadionida o‘z o‘yinlarini o‘tkazishadi.

O‘zbekiston terma jamoasi esa ushbu maydonda to‘p tepadigan so‘nggi terma jamoa bo‘lib tarixda qoladi. Ko‘rib turganimizdek, O‘zbekiston shu vaziyatda ham jabrlanuvchi rolida. Aynan shunga o‘xshagan mayda kamchiliklarga ko‘z yumib kelganimiz uchun ham - o‘zbekistonlik futbol muxlislarining butun bir avlodi futbolchilarimizni Jahon chempionatida ko‘rmasdan o‘tib ketdi. Chunki futbolda hamma narsani mayda detallar hal qiladi.

Eng asosiysi - biz qo‘shnilarimizga har doim izzat-hurmat ko‘rsatib kelgan bag‘rikeng xalqmiz. Futbol esa bir gap bo‘lar. Undan ko‘ra oshga qarang, sovib qolmasin.