Hujumchi Karim Adeyemi Germaniya yoshlar terma jamoasidan tushgan chaqiruvni rad etdi. 21 yoshli futbolchi o‘ynash uchun "Borussiya"da qolishga va kelajakda ko‘proq o‘yin amaliyotiga ega bo‘lishga qaror qildi.
Bild nashrining yozishicha, terma jamoa bosh murabbiyi Yulian Nagelsmann Adeyemining qarorini yoqtirmagan. Yosh mutaxassisning fikricha, futbolchilar har qanday saviyada, jumladan, yoshlar miqyosida ham mamlakat terma jamoasi safida o‘ynash imkoniyatiga ega bo‘lishni sharaf deb bilishlari kerak.
Qayd etilishicha, Adeyemining yoshlar terma jamoasiga o‘tmaslik qarori uning Nagelsmann boshchiligidagi Germaniya terma jamoasidagi istiqboliga salbiy ta’sir ko‘rsatishi mumkin.
Aytish joizki, 2024 yilning yozida Germaniya Yevropa chempionatiga mezbonlik qiladi.
