Kataloniyaning "Barselona"si navbatdagi inqirozni boshidan kechirmoqda, jamoa Chempionlar ligasida Ukrainaning "Shaxtyor" jamoasiga mag‘lub bo‘ldi va ichki chempionatda ochko olishda qiynalmoqda. Klub va Ispaniya terma jamoasi himoyachisi Inigo Martines inqiroz haqida shunday dedi:
"Ko‘nikish kerak, tanqid hamisha muqarrar. Ishonchim komilki, muxlislar bizni qo‘llab-quvvatlaydi. Shuning uchun matbuotga quloq solmay, faqat o‘z ishimizni qilishimiz kerak. Muammolarni yengish uchun bizda imkoniyat bor. Biz sevimli o‘yinimizni o‘ynashimiz, uni yaxshilashimiz kerak, shunda g‘alabalar keladi", - deya Martinesning so‘zlarini keltiradi Italiyaning ITASportPress agentligi.
