Italiyalik mutaxassis Jennaro Gattuzoning "Marsel"ga kelishi natijalarda katta o‘zgarishlarga olib kelmagan bo‘lsa-da, klub rahbariyati undan mamnun va uni har tomonlama qo‘llab-quvvatlamoqda. Xususan, klub prezidenti Pablo Longariya Gattuzoni maqtadi:
"Klubda qattiq qo‘l kerak bo‘lgan paytda paydo bo‘ldi. Jennaro aqlli odam. U men to‘g‘ri deb hisoblagan yo‘nalishni belgilaydi. Biz yangi murabbiy belgilagan tamoyillar atrofida birlashishimiz kerak", - deya Longariyaning so‘zlaridan iqtibos keltiradi Italiyaning ITASportPress agentligi.
Liga 1ning navbatdagi, o‘n uchinchi turida jamoa safarda “Strasbur”ga qarshi bahs olib boradi.
