"Barselona" va Ispaniya terma jamoasining sobiq himoyachisi Karles Puyol kataloniyaliklar ustozi Xavi haqida fikr bildirdi.
"Men Xaviga va "Barsa"ga ishonaman. Men Xavi bilan ko‘p lahzalarni boshdan kechirganman. Uning klubda ekanligidan xursandman. "Barselona" qiyin lahzani boshdan kechirmoqda, lekin men bilaman, Xavi buni qanday boshqarishni biladi. U vaziyatni o‘zgartirishi kerak bo‘lgan futbolchilarga qanday qilib ishonchni yetkazishni biladi. Biz "Barselona"ni anchadan beri bilamiz, 2 ta o‘yinda mag‘lub bo‘lsa yoki 2 o‘yinda yaxshi o‘ynamasa, ko‘p tanqidlar bo‘ladi... Talablar juda katta. Bu mavsumda biz juda ko‘p jarohatlar bilan og‘ir damlarni boshdan kechirdik va bu har doim ishni qiyinlashtiradi. Men jamoaga ishonchim komil, baholarni mavsum oxirida qo‘yish kerak", - dedi sobiq futbolchi.
