Xorvatiya terma jamoasining sobiq hujumchisi Boshko Balaban farzandi uchun aliment to‘lamagani uchun qamoq jazosiga hukm qilindi, deb xabar beradi jutarnji.hr sayti.

45 yoshli Balaban 2017 yilda "Xorvatiya go‘zali-1995" -olibi Iva Radich bilan ajrashganidan beri uch farzandiga aliment to‘lamagan. 2021 yilda sud uni 4 yillik sinov muddati bilan bir yil shartli qamoq jazosiga hukm qildi va sobiq xotiniga 80 ming yevro to‘lash majburiyatini yukladi.

Uchrashuvda Balaban futbolchilik faoliyatini yakunlagani va endi yuqori daromad olmagani haqida gapirdi. Biroq, mahalliy matbuotga ko‘ra, Balaban Xorvatiyada tijorat mulkiga ega bo‘lgan va sud jarayoni boshlanganidan keyin u o‘z aktivlarini Bosniya va Gersegovinaga ko‘chirgan.

Sud qarorini bajarmagan Balaban haqiqiy qamoq jazosini oldi - u 2024 yil boshida bir yilga qamoqqa yuboriladi.

Balaban "Bryugge", "Panionis", "Dinamo Zagreb", "Aston Villa" va "Riyeka" klublarida o‘ynagan. Uning hisobida Xorvatiya terma jamoasi safida 35 ta o‘yinda 10 ta gol bor.