"PSJ" va Kilian Mbappe o‘rtasida kelishuvga erishildi, unga ko‘ra forvard klubdan pulning bir qismini olmaydi. Gap turli bonuslar bilan bog‘liq taxminan 80 million yevro haqida ketmoqda, deb yozadi jurnalist Fabris Xokins ijtimoiy tarmoqlarda.

Shu bilan birga, "PSJ" hamon Mbappeni o‘z safida saqlab qolishga umid qilayotgani ta’kidlangan. Futbolchining taqdiri butunlay uning qo‘lida, chunki Kilianning amaldagi shartnomasi mavsum oxirigacha amal qiladi.

Kilian Mbappe dekabr oyida o‘zining 25 yoshini nishonlaydi. Transfermarkt portali forvardni 80 million yevroga baholamoqda.