"Bavariya"ning bo‘lajak yangi futbolchisi Nestori Irankunda faoliyatini Angliyada davom ettirish imkoniyatlari bor edi.

Avstraliyaning “Adelaida Yunayted” klubida o‘ynayotgan 17 yoshli futbolchi Bundesliga giganti bilan 2024 yilning iyul oyidan kuchga kiradigan shartnoma imzoladi. Jurnalist Kristian Falkning yozishicha, Londonning “Chelsi” klubi ham Irankundaga qiziqish bildirgan. Yosh futbolchining o‘zi Angliyadan qiziqish haqidagi ma’lumotni tasdiqladi va yakuniy tanlovini otasiga "Bavariya" bilan bo‘lgan variant juda yoqqanligi bilan izohladi.

Nestori Irankunda “Adelaida Yunayted” safida 39 ta o‘yinda maydonga tushib, 9 ta gol urdi. "Bavariya"ga yakunlangan transfer narxi 3,4 million yevroga baholanmoqda.