"Бавария"нинг бўлажак янги футболчиси Нестори Иранкунда фаолиятини Англияда давом эттириш имкониятлари бор эди.
Австралиянинг “Аделаида Юнайтед” клубида ўйнаётган 17 ёшли футболчи Бундеслига гиганти билан 2024 йилнинг июль ойидан кучга кирадиган шартнома имзолади. Журналист Кристиан Фалькнинг ёзишича, Лондоннинг “Челси” клуби ҳам Иранкундага қизиқиш билдирган. Ёш футболчининг ўзи Англиядан қизиқиш ҳақидаги маълумотни тасдиқлади ва якуний танловини отасига "Бавария" билан бўлган вариант жуда ёққанлиги билан изоҳлади.
Нестори Иранкунда “Аделаида Юнайтед” сафида 39 та ўйинда майдонга тушиб, 9 та гол урди. "Бавария"га якунланган трансфер нархи 3,4 миллион еврога баҳоланмоқда.
