"Makkabi Xayfa" va "Makkabi Tel-Aviv" klublari bu yil Yevropa kubogi uchun qolgan uy uchrashuvlarini Serbiyada o‘tkazishadi, deya xabar beradi UYEFA rasmiy sayti. Avvalroq tashkilot XAMAS bilan qurolli mojaro avj olgani sababli Isroildagi xalqaro o‘yinlarni keyingi ogohlantirishgacha to‘xtatgan edi.
30 noyabr kuni Yevropa ligasining 5-turida "Makkabi Xayfa" Belgraddagi "Rayko Mitich" stadionida "Renn"ga qarshi bahs olib boradi.
"Makkabi Tel-Aviv" va "Zarya" o‘rtasidagi Konferensiyalar ligasining 3-turidan o‘rin olgan boshqa uchrashuv 25 noyabr kuni Bachka-Topoladagi "TSS" stadionida bo‘lib o‘tadi. Isroil klubi 14 dekabr kuni ham u yerda "Gent" bilan 6-tur uchrashuvini o‘tkazadi.
Barcha o‘yinlar tomoshabinlarsiz o‘tkaziladi.
Isroil erkaklar va ayollar terma jamoalari Vengriyaning Felksut shahrida o‘yin o‘tkazmoqda.