"Barselona" prezidenti Joan Laporta Kataloniya klubi bosh murabbiyi Xavi atrofidagi mish-mishlarga chek qo‘ydi.
"Biz bosh murabbiyimizni to‘liq qo‘llab-quvvatlaymiz va professional va insoniy fazilatlari tufayli Xavini klub boshqaruvida ko‘rganimizdan juda faxrlanamiz. Biz to‘g‘ri pozisiyadamiz, bu juda muhim. Chempionlar ligasi va La Ligada yaxshi pozisiyalarimiz bor. Hozir birlashish juda muhim.
Jarohatlangan futbolchilarga tiklanish uchun vaqt berishga vaqtimiz bor, keyin esa barcha futbolchilar Xavi uchun tayyor bo‘lishadi. Muhimi bu mavsum qanday yakunlanishi. Biz marraga yetib borishimiz uchun harakat qilyapmiz", - dedi Laporta Marca bilan suhbatda.
