"Nyukasl" qishki transfer oynasi uchun tarkibini kuchaytirish imkoniyatlarini o‘rganmoqda. 90min xabariga ko‘ra, Angliya Premyer-ligasi klubi "PSJ"dan hujumchi Ugo Ekitikeni ijaraga olish variantini ko‘rib chiqmoqda.

Avvalroq matbuotda 21 yoshli Ekitike o‘yin amaliyotiga ega bo‘lish uchun qishda klubi ro‘yxatini o‘zgartirmoqchi ekanligi haqida xabarlar tarqalgan edi.

Transfermarkt portali mutaxassislari Ugo Ekitikeni 15 million yevroga baholamoqda.

Eslatib o‘tamiz, “Nyukasl” ayni damda Angliya Premyer-ligasi turnir jadvalida 7-o‘rinda bormoqda.