"Portu" hujumchisi Mehdi Taremi qishki transfer oynasida "Inter"ga o‘tishi mumkin.
O‘tgan yozda eronlik futbolchi "Milan"ga o‘tishi mumkin edi, ammo kelishuv amalga oshmadi. Hozir 31 yoshli forvard Milanning boshqa klubiga o‘tishi mumkin: insayder Fabrisio Romanoning so‘zlariga ko‘ra, "Inter" Taremini qo‘lga kiritishga yaqinlashib qolgan. "Neradzurrilar" rahbariyati kelishuvga erishish imkoniyatini jiddiy ko‘rib chiqmoqda, chunki ular yanvar oyida jamoaning hujumini kuchaytirish niyatida.
Mish-mishlarga ko‘ra, Mehdi Taremiga "Manchester Yunayted", "Real" va "Milan" ham qiziqish bildirmoqda. Hujumchining “Portu” bilan shartnomasi 2024 yilning iyunida yakuniga yetadi.
