"Real Madrid"ning hujumkor yarim himoyachisi Jud Bellingem jamoaning umumiy guruh mashg‘ulotlariga qaytdi. Bu haqda qirollik klubi rasmiy sayti xabar berdi.
Eslatib o‘tamiz, 20 yoshli yarim himoyachi yaqinda "Rayo Valyekano"ga qarshi o‘yinda (0:0) yelkasidan jarohat olgandi. 26 noyabrga belgilangan “Kadis”ga qarshi bahsda Bellingem maydonga qaytishi ehtimoli katta.
Ispaniya chempionatining joriy mavsumida Jud o‘nta gol urdi. U La Liga to‘purarlar poygasida peshqadam.
Madridning “Real” klubi yozgi transfer oynasida ingliz futbolchisini sotib oldi. Ispaniya grandi rahbariyati futbolchi uchun 103 million yevro to‘lagan.
