"Реал Мадрид"нинг ҳужумкор ярим ҳимоячиси Жуд Беллингем жамоанинг умумий гуруҳ машғулотларига қайтди. Бу ҳақда қироллик клуби расмий сайти хабар берди.
Эслатиб ўтамиз, 20 ёшли ярим ҳимоячи яқинда "Райо Вальекано"га қарши ўйинда (0:0) елкасидан жароҳат олганди. 26 ноябрга белгиланган “Кадис”га қарши баҳсда Беллингем майдонга қайтиши эҳтимоли катта.
Испания чемпионатининг жорий мавсумида Жуд ўнта гол урди. У Ла Лига тўпурарлар пойгасида пешқадам.
Мадриднинг “Реал” клуби ёзги трансфер ойнасида инглиз футболчисини сотиб олди. Испания гранди раҳбарияти футболчи учун 103 миллион евро тўлаган.
