"Manchester Yunayted" yanvar oyida transfer oynasi ochilganda "Brayton" hujumchisi Evan Fergyusonni sotib olmoqchi. Bu haqda Football Insider xabar bermoqda.
Manbaga ko‘ra, "qizil iblislar" ustozi Erik ten Xagning shaxsan o‘zi Fergyusonning o‘z safiga qo‘shilishidan manfaatdor, chunki u jamoada individual kuchli futbolchilar bo‘lishini istaydi.
Eslatib o‘tamiz, shu yilning noyabr oyida irlandiyalik hujumchi “chakaylar” bilan mehnat shartnomasini 2029 yilgacha uzaytirgan edi. Joriy mavsumda Fergyuson barcha musobaqalarda 14ta o‘yinda qatnashib, beshta gol urdi.
Transfermarkt portali futbolchining bozor qiymatini 65 million yevroga baholamoqda. Ammo bundan avvalroq OAVda "Brayton" Fergyusonni 114 million yevrodan ortiq baholagani haqida ma’lumot paydo bo‘lgandi.
