"Манчестер Юнайтед" январь ойида трансфер ойнаси очилганда "Брайтон" ҳужумчиси Эван Фергюсонни сотиб олмоқчи. Бу ҳақда Football Insider хабар бермоқда.
Манбага кўра, "қизил иблислар" устози Эрик тен Хагнинг шахсан ўзи Фергюсоннинг ўз сафига қўшилишидан манфаатдор, чунки у жамоада индивидуал кучли футболчилар бўлишини истайди.
Эслатиб ўтамиз, шу йилнинг ноябрь ойида ирландиялик ҳужумчи “чакайлар” билан меҳнат шартномасини 2029 йилгача узайтирган эди. Жорий мавсумда Фергюсон барча мусобақаларда 14та ўйинда қатнашиб, бешта гол урди.
Transfermarkt портали футболчининг бозор қийматини 65 миллион еврога баҳоламоқда. Аммо бундан аввалроқ ОАВда "Брайтон" Фергюсонни 114 миллион евродан ортиқ баҳолагани ҳақида маълумот пайдо бўлганди.
