"Bavariya" hujumchisi Xarri Keyn Myunxendan uy topdi.

Jurnalist Stefan Kumbergerning so‘zlariga ko‘ra, u bir necha oy davomida munosib uy-joy izlab, mehmonxonada qolgan. Keyn nafaqat o‘zi, xotini va to‘rt nafar farzandi, balki boshqa mehmonlar yoki qarindoshlari ham bemalol qolishlari uchun kamida yettita yotoq xonasi bo‘lgan uyga ega bo‘lishni xohlagani uchun muammolar yuzaga keldi.

Bunday mulklarni ijaraga topish oson emas, chunki Keyn uy sotib olishni o‘ylamagan. Shu bois, qidiruvga “Bavariya”ning bir necha xodimlari jalb qilingan. Keyn ham farzandlari maktabiga yaqinroq uy topmoqchi edi.

Keyn dekabr oyida oilasi bilan yangi uyga ko‘chib o‘tishi kutilmoqda.