"Fulxem" rahbariyati "Leypsig" va Germaniya terma jamoasi hujumchisi Timo Vernerni sotib olish variantini ko‘rib chiqmoqda. Bu haqda Football Insider xabar bermoqda.

Manbaga ko‘ra, "Fulxem" bosh murabbiyi Marko Silva Vernerning iqtidoriga ashaddiy muxlislik qiladi va uni o‘z jamoasining hujum salohiyatini kuchaytirishning eng yaxshi varianti sifatida ko‘rmoqda. Qayd etilishicha, "Fulxem" uchun futbolchining o‘zi va uning agentlari bilan kelishuvga erishish oson bo‘lmaydi, chunki nemisning oylik maoshi 170 ming yevro atrofida.

Eslatib o‘tamiz, joriy mavsumda Verner barcha turnirlarda 13 ta o‘yinda ishtirok etib, ikkita gol va bitta golli uzatmaga mualliflik qilgan. Umuman olganda, futbolchi maydonda 370 daqiqa o‘tkazdi.