"Фулхэм" раҳбарияти "Лейпциг" ва Германия терма жамоаси ҳужумчиси Тимо Вернерни сотиб олиш вариантини кўриб чиқмоқда. Бу ҳақда Football Insider хабар бермоқда.
Манбага кўра, "Фулхэм" бош мураббийи Марко Силва Вернернинг иқтидорига ашаддий мухлислик қилади ва уни ўз жамоасининг ҳужум салоҳиятини кучайтиришнинг энг яхши варианти сифатида кўрмоқда. Қайд этилишича, "Фулхэм" учун футболчининг ўзи ва унинг агентлари билан келишувга эришиш осон бўлмайди, чунки немиснинг ойлик маоши 170 минг евро атрофида.
Эслатиб ўтамиз, жорий мавсумда Вернер барча турнирларда 13 та ўйинда иштирок этиб, иккита гол ва битта голли узатмага муаллифлик қилган. Умуман олганда, футболчи майдонда 370 дақиқа ўтказди.
