Shanba oqshomida Yevro-2024 saralashining yana bir qator uchrashuvlari bo‘lib o‘tdi. Ularning natijalariga ko‘ra, qit’a futbol forumiga yana uchta yo‘llanma egasi aniq bo‘ldi - ular Niderlandiya, Ruminiya va Shveysariya terma jamoalari.

Hozirda Yevro-2024'ga yo‘llanmani rasmiylashtirgan terma jamoalar ro‘yxati quyidagicha:

Germaniya (mezbon), Belgiya, Fransiya, Portugaliya, Ispaniya, Shotlandiya, Turkiya, Avstriya, Angliya, Vengriya, Slovakiya, Albaniya, Daniya, Niderlandiya, Ruminiya, Shveysariya.

Yaqin kunlarda saralash turnirining so‘nggi o‘yinlari natijalariga ko‘ra, Yevropa chempionatiga yana beshta yo‘llanma o‘ynaladi. So‘nggi uchta chipta esa bahorda - pley-offda o‘z egasini topadi.

Yevropa chempionati iyun-iyul oylarida bo‘lib o‘tadi.