Шанба оқшомида Евро-2024 саралашининг яна бир қатор учрашувлари бўлиб ўтди. Уларнинг натижаларига кўра, қитъа футбол форумига яна учта йўлланма эгаси аниқ бўлди - улар Нидерландия, Руминия ва Швейцария терма жамоалари.
Ҳозирда Евро-2024'га йўлланмани расмийлаштирган терма жамоалар рўйхати қуйидагича:
Германия (мезбон), Бельгия, Франция, Португалия, Испания, Шотландия, Туркия, Австрия, Англия, Венгрия, Словакия, Албания, Дания, Нидерландия, Руминия, Швейцария.
Яқин кунларда саралаш турнирининг сўнгги ўйинлари натижаларига кўра, Европа чемпионатига яна бешта йўлланма ўйналади. Сўнгги учта чипта эса баҳорда - плей-оффда ўз эгасини топади.
Европа чемпионати июнь-июль ойларида бўлиб ўтади.
