Niklas Fyullkrug Germaniya terma jamoasiga nisbatan Turkiya bilan o‘yinda xushtakbozlik qilinganidan norozi.

Kecha Germaniya terma jamoasi Turkiya terma jamoasiga o‘rtoqlik uchrashuvida mag‘lub bo‘ldi (2:3). Berlindagi o‘yinga 72 592 tomoshabin tashrif buyurdi.

Germaniya terma jamoasi o‘yinoldi mashg‘ulotlarni o‘tkazayotgan paytda muxlislar xushtakbozlik qilishdi. O‘yin davomida Turkiyani qo‘llab-quvvatlagan bir necha o‘n minglab tomoshabinlar nemis muxlislaridan balandroq hayqirishdi.

"Bu yerda, poytaxtimizda o‘zimizni mehmondagi o‘yinda bo‘lgandek his qilganimiz achinarli.

Raqibning emosional darajasiga chiqishning imkoni yo‘q edi, hatto juda ko‘p harakat qilsak ham. Albatta, Turkiya terma jamoasi muxlislari g‘alaba qozongan har bir o‘yindan xursand bo‘lishdi va afsuski, ularning biroz ustunligi birinchi bo‘limda sezilib turdi.

Albatta, hushtak jamoani bezovta qilmaydi, lekin bu albatta ta’sir qiladi. Men Dortmundning "Borussiya" jamoasida o‘ynayman va biz uchun mehmondagi o‘yinlardan ko‘ra uydagi o‘yinlar ancha zavqliroq. Buning sababini so‘rashning hojati yo‘q - bizda ajoyib muxlislar bor.

Turkiya terma jamoasi ajoyib qo‘llab-quvvatlandi va bu, albatta, nafaqat bizga, balki ularga ham ta’sir qildi”, — dedi “Borussiya” va Germaniya terma jamoasi hujumchisi Fyullkrug Sportschau nashriga bergan intervyusida.