Никлас Фюллькруг Германия терма жамоасига нисбатан Туркия билан ўйинда хуштакбозлик қилинганидан норози.

Кеча Германия терма жамоаси Туркия терма жамоасига ўртоқлик учрашувида мағлуб бўлди (2:3). Берлиндаги ўйинга 72 592 томошабин ташриф буюрди.

Германия терма жамоаси ўйинолди машғулотларни ўтказаётган пайтда мухлислар хуштакбозлик қилишди. Ўйин давомида Туркияни қўллаб-қувватлаган бир неча ўн минглаб томошабинлар немис мухлисларидан баландроқ ҳайқиришди.

"Бу ерда, пойтахтимизда ўзимизни меҳмондаги ўйинда бўлгандек ҳис қилганимиз ачинарли.

Рақибнинг эмоционал даражасига чиқишнинг имкони йўқ эди, ҳатто жуда кўп ҳаракат қилсак ҳам. Албатта, Туркия терма жамоаси мухлислари ғалаба қозонган ҳар бир ўйиндан хурсанд бўлишди ва афсуски, уларнинг бироз устунлиги биринчи бўлимда сезилиб турди.

Албатта, ҳуштак жамоани безовта қилмайди, лекин бу албатта таъсир қилади. Мен Дортмунднинг "Боруссия" жамоасида ўйнайман ва биз учун меҳмондаги ўйинлардан кўра уйдаги ўйинлар анча завқлироқ. Бунинг сабабини сўрашнинг ҳожати йўқ - бизда ажойиб мухлислар бор.

Туркия терма жамоаси ажойиб қўллаб-қувватланди ва бу, албатта, нафақат бизга, балки уларга ҳам таъсир қилди”, — деди “Боруссия” ва Германия терма жамоаси ҳужумчиси Фюллькруг Sportschau нашрига берган интервьюсида.