"Barselona" yarim himoyachisi Gavi Ispaniya terma jamoasi uchun o‘yinda olgan jarohati tufayli mavsumning qolgan qismini o‘tkazib yuborish xavfi bor.

Taxminlarga ko‘ra, 19 yoshli futbolchining xoch bog‘lami shikastlangan, bu sababli esa u olti oydan sakkiz oygacha maydonga tusha olmaydi. "Barselona" Ispaniya terma jamoasi bosh murabbiyi Gavini Gruziyaga qarshi o‘yinda asosiy tarkibda maydonga tushirganidan juda norozi.

Kataloniya klubi o‘z futbolchisining terma jamoa safida olgan jarohati uchun FIFAdan katta miqdorda tovon puli olishga haqli. Jurnalist Rojer Torelloning so‘zlariga ko‘ra, "Barselona"ga taxminan 4-5 million yevro to‘lanadi.