O‘zbekiston milliy terma jamoasi bosh murabbiyi Srechko Katanes Eronga qarshi o‘yin oldidan o‘z fikrini bildirdi.
"Barchaga xayrli kun, terma jamoamiz ertangi o‘yinga tayyor. Nafaqat Eronga qarshi, balki saralashdagi barcha jamoalarga qarshi o‘yinlar juda muhim bo‘ladi. Eronga qarshi o‘yin nafaqat biz uchun balki dunyoning istalgan top jamoasi uchun yetarlicha qiyinchilik tug‘diradi.
Biz so‘nggi o‘yinlarda yetarlicha gol uryapmiz. Eronga qarshi o‘yin o‘zimizning darajamizni bilib olish imkonini beradi. Turkmaniston bilan o‘yindan so‘ng katta muammolar yo‘q. Asosiysi sun’iy maydonda harakat qilgan bo‘lsak-da g‘alabaga erishdik. Tajribamda bir necha bor shunday o‘yinlarda mag‘lub bo‘lgandik, ammo o‘tgan o‘yinda g‘alaba qozondik. Ertaga ajoyib maydonda harakat qilamiz. Eron bilan avvalgi o‘yin o‘rtoqlik maqomida bo‘lib o‘tgandi, ertaga rasmiy o‘yinda o‘zimizni sinab olamiz.
Turkmaniston bilan o‘yinni eslamaslikka harakat qilamiz. Futbolchilar bilan 2 yildan buyon ishlab kelyapman, o‘ylaymanki o‘sha o‘yinda zaxiradan tushgan futbolchilar voqealar rivojini o‘zgartira oldi. Termamizda tajribali va yosh futbolchilar uyg‘unligi bor.
Ertangi o‘yin juda jiddiy bo‘ladi. Futbolchilarda yuqori bosim bo‘ladi. Eron asosan bir xil taktikada harakat qiladi. Ularni ikkita xavfli hujumchisi borligini bilasiz (Azmun, Taremi). Ertaga kim yaxshiroq formada bo‘lsa, o‘sha jamoa g‘alaba qozonadi.
Barcha futbolchilarimdan yuqori samaradorlik kutaman. Futbolchilar o‘zi bilishi kerak, qanday holatda hujumga chiqib, qanday holatda himoyada harakat qilish kerakligini.
Jamoaning harakterini ertaga ko‘rib olamiz. Ular haqida gapirib, ortiqcha bosim ostida qoldirmoqchi emasman. Futbolchilardagi g‘alaba ruhi ularning klublariga ham bog‘liq. Men uchun katta jamoalarga qaraganda kichik jamoalaga qarshi jamoani tayyorlash qiyinroq. Futbolchilarning o‘zi ertaga juda muhim bahs kutib turganini biladi. Ularga ortiqcha motivasiya shart emas".
Masharipov: "Bu o‘yinning darajasi haqida ortiqcha gapirib o‘tmoqchi emasman. Muxlislar bu o‘yinni orzuqib kutyapti deb o‘ylayman. Eronga qarshi o‘yinlarda o‘z maydonimizda qandaydir to‘siq bor, ertaga shu to‘siqni yengib o‘tishga harakat qilamiz".
