Chempionlar ligasining 2023/24 yilgi mavsumida o‘ynaydigan klublarning uchdan bir qismi UYEFAning kelajakdagi xarajatlar chegarasini buzish xavfi ostida. Bu haqda The Economist nashri xabar bermoqda.

2025/26 yilgi mavsumdan boshlab futbolchi va murabbiy maoshlari, transferlar va agent to‘lovlariga sarflanadigan xarajatlar klubning oxirgi moliyaviy yildagi daromadining 70 foizidan oshmasligi kerak. Joriy mavsumda bu chegara 90 foizni tashkil qiladi, 2024/25 yilgi mavsumda esa 80 foizgacha tushadi.

Limitdan oshib ketish xavfi ostida bo‘lgan klublar orasida "Atletiko" (daromad - 377 mln yevro, xarajatlar - 320 (85%), "Real Sosyedad" (daromad - 113,1 mln yevro, xarajatlar - 92,3 (82%), "Napoli", "Lasio", "PSJ" va "Lans", ammo ularning hammasini o‘zgartirishga vaqtlari bor.

Qayd etilishicha, ingliz klublari orasida faqat “Arsenal” bu qoidaga amal qiladi.