Чемпионлар лигасининг 2023/24 йилги мавсумида ўйнайдиган клубларнинг учдан бир қисми УЕФАнинг келажакдаги харажатлар чегарасини бузиш хавфи остида. Бу ҳақда The Economist нашри хабар бермоқда.

2025/26 йилги мавсумдан бошлаб футболчи ва мураббий маошлари, трансферлар ва агент тўловларига сарфланадиган харажатлар клубнинг охирги молиявий йилдаги даромадининг 70 фоизидан ошмаслиги керак. Жорий мавсумда бу чегара 90 фоизни ташкил қилади, 2024/25 йилги мавсумда эса 80 фоизгача тушади.

Лимитдан ошиб кетиш хавфи остида бўлган клублар орасида "Атлетико" (даромад - 377 млн евро, харажатлар - 320 (85%), "Реал Сосьедад" (даромад - 113,1 млн евро, харажатлар - 92,3 (82%), "Наполи", "Лацио", "ПСЖ" ва "Ланс", аммо уларнинг ҳаммасини ўзгартиришга вақтлари бор.

Қайд этилишича, инглиз клублари орасида фақат “Арсенал” бу қоидага амал қилади.