Himoyachi Kris Smolling qishki transfer oynasida “Roma”ni tark etishi mumkin. La Gazzetta dello Sport nashri xabariga ko‘ra, A Seriya klubi yanvar oyida Smolling bo‘yicha takliflarni ko‘rib chiqishga tayyor.

Oldinroq matbuotda Smolling Rim jamoasi bosh murabbiyi Joze Mourinyoga to‘g‘ri kelmasligi haqida ma’lumot paydo bo‘lgandi. Shu bilan birga, angliyalik futbolchi sog‘lig‘idagi muammolar tufayli deyarli uch oydan beri futbol maydoniga tushmayapti.

Transfermarkt portali mutaxassislari 33 yoshli Kris Smollingni 8 million yevroga baholamoqda.

Ayni damda “Roma” Italiya A Seriyasi turnir jadvalida 7-o‘rinni egallab turibdi.