Ҳимоячи Крис Смоллинг қишки трансфер ойнасида “Рома”ни тарк этиши мумкин. La Gazzetta dello Sport нашри хабарига кўра, А Серия клуби январь ойида Смоллинг бўйича таклифларни кўриб чиқишга тайёр.

Олдинроқ матбуотда Смоллинг Рим жамоаси бош мураббийи Жозе Моуриньога тўғри келмаслиги ҳақида маълумот пайдо бўлганди. Шу билан бирга, англиялик футболчи соғлиғидаги муаммолар туфайли деярли уч ойдан бери футбол майдонига тушмаяпти.

Transfermarkt портали мутахассислари 33 ёшли Крис Смоллингни 8 миллион еврога баҳоламоқда.

Айни дамда “Рома” Италия А Серияси турнир жадвалида 7-ўринни эгаллаб турибди.