Matbuotda yarim himoyachi Joau Palinya qishki transfer oynasida "Fulxem"ni "Bavariya"ga o‘zgartirishi haqida ma’lumot paydo bo‘ldi. Biroq jurnalist Tobi Altshafflning ijtimoiy tarmoqlarda yozishicha, London klubi bilan bu transfer borasida hozircha kelishuv yo‘q.
Qayd etilishicha, 28 yoshli futbolchining o‘zi Myunxenga o‘tishni xohlaydi. Hammasi "Bavariya" Portugaliya terma jamoasi yarim himoyachisi uchun qancha pul to‘lashga tayyor bo‘lishiga bog‘liq bo‘ladi.
Transfermarkt portali ekspertlari Joau Palinyani 55 million yevroga baholamoqda. Portugaliyalik futbolchi 2023/2024 yilgi mavsumda 12 ta o‘yinda ikkita gol urdi.