Матбуотда ярим ҳимоячи Жоау Палинья қишки трансфер ойнасида "Фулхэм"ни "Бавария"га ўзгартириши ҳақида маълумот пайдо бўлди. Бироқ журналист Тоби Альтшаффлнинг ижтимоий тармоқларда ёзишича, Лондон клуби билан бу трансфер борасида ҳозирча келишув йўқ.
Қайд этилишича, 28 ёшли футболчининг ўзи Мюнхенга ўтишни хоҳлайди. Ҳаммаси "Бавария" Португалия терма жамоаси ярим ҳимоячиси учун қанча пул тўлашга тайёр бўлишига боғлиқ бўлади.
Transfermarkt портали экспертлари Жоау Палиньяни 55 миллион еврога баҳоламоқда. Португалиялик футболчи 2023/2024 йилги мавсумда 12 та ўйинда иккита гол урди.